Prepara o tradicional cocido de Entroido!

Ingredientes para 4 personas

2 cuartos traseiros de polo Pio
2 chourizos curados Lalinense
1 tira de touciño entrefebrado curado
½ tira salgada
1 orella salgada
500 g de xarrete de tenreira galega
4 patacas galegas
500 g de grelos
300 g garavanzos secos
Auga mineral
Sal

Desfruta dunha receita que pasou de xeración en xeración e que cada ano por estas datas nos agasalla unha auténtica festa para o padal.

Elaboración

  1. Hidratar os garavanzos secos nun cunco con 1 litro de auga mineral durante 12 horas. Escoar e lavar ben.
  2. Desalgar a orella e a tira salgada nun recipiente con auga mineral durante 12 horas. Cambiarlle a auga 2 ou 3 veces.
  3. Pelar e partir pola metade as patacas.
  4. Ferver 5 l de auga nunha ola a lume medio e incorporar as carnes: cuartos traseiros de polo, touciño entrefebrado, tira, orella e xarrete de tenreira.
  5. Engadir os garavanzos na ola dentro dunha bolsa de malla. Cociñar todo xunto tapado e a lume medio-baixo durante 2 horas. Salgar á metade da cocción.
  6. Ferver nunha ola os chourizos, as patacas e os grelos durante 25-30 minutos a lume medio. Botar sal.
  7. Para empratar, pousar as carnes (cuartos traseiros de polo, touciño entrefebrado, tira, orella e xarrete de tenreira) e os garavanzos nunha bandexa e, nun cunco, os chourizos coas patacas, os grelos e un chisco de caldo da cocción.

A que esperas para elevar o Entroido a outro nivel? Consigue o mellor lote de cocido e presume de cociñeiro!